Орастахона

ҚОМАТНИ САҚЛАШ УЧУН...

Уч стакан сули ёрмаси устига уч ош қошиқ илиқ сув қуйиб, ярим соат мобайнида тиндириб қўйинг. Кейин унга қирилган сабзи ва олма аралаштириб, икки чой қошиқ асал билан бирга тановул қилинг.

Бундан ташқари, овқат рационингизда гўшт, пишлоқ, сут маҳсулотлари ва мевалар албатта, бўлиши лозим.

Эрта наҳорда бир стакан илиқ сувга бир ош қошиқ лимон суви қўшиб ичиш фойдалидир. Шунингдек, енгил мусиқа садолари остида мунтазам равишда жисмоний машқлар бажариш ҳам қоматингизни кўркамлаштиради.

***

Камида бир ойда бир марта қуйидаги тадбирни қўллаб туриш мақсадга мувофиқдир.

Ваннани илиқ сув билан тўлдиринг. Сувга 2 литр ёғи олинмаган сут ва бир пиёла асал солиб аралаштиринг. Тайёр бўлгач, 20 дақиқа давомида ваннада ётинг. Кейин илиқ сувда енгил ювининг. Сут ва асал аралашмасидан тайёрланган ванна бутун танангизни ҳам ёшартиради, ҳам соғломлаштиради.

Юқоридаги тавсияларга амал қилсангиз, доим гўзал ва тетик кўринишга эга бўласиз.

НИГОРА тайёрлади.