Пазанда маслаҳати

ТЕЗ ТАЙЁРЛАНАДИГАН САЛАТ

Керакли масаллиқлар: 3 дона бодиринг, 1 боғ кўк пиёз, 100 гр. қатиқ ёки қаймоқ, 2-3 дона тухум, туз ва зираворлар таъбга кўра.

Тайёрланиши: бодирингнинг учи ва бандини қирқиб ташлаб, яхшилаб ювасиз ва сомонча қилиб тўғрайсиз. Унга майдалаб қирқилган кўк пиёз, қалампир ва туз сепиб, қатиқ ёки қаймоқ қўшиб, аралаштирасиз. Салатга пишган тухумнинг сариғини эзиб, қўшиб юборсангиз, янада мазали бўлади.

Тайёр салатни ликопчаларга солиб, бодирингдан қилинган "гуллар" билан безатасиз. Салатни безаш учун ўртасига қайнатиб пиширилган бир дона тухум сариғини қўйиб, унинг атрофига тухум оқидан тилик-тилик қилиб териб қўйсангиз, худди мойчечак гули кўриниши ҳосил бўлади.