Орастахона

ТУЗЛАНГАН КАРАМДАН ТАЙЁРЛАНГАН НИҚОБ

Тузланган карам барглари терини ёшартиради ва ниҳоятда тиниқ кўриниш беради. Юзингизга ва бўйин соҳасига карам баргларини қўйиб, 20 дақиқа ушлаб турасиз. Кейин уларни олиб ташлаб, илиқ сувда юзингизни ювасиз. Қуриган юз терисига намлантирувчи крем сурасиз.

ТУХУМ ОҚИ ВА ЛИМОНЛИ НИҚОБ

(ёғли юз териси учун)

Бир дона тухум оқини кўпиртириб, бир дона лимон сувига яхшилаб аралаштирасиз. Тайёр бўлган ниқобни тампон ёки махсус чўтка ёрдамида юз терисига сурасиз. Ниқоб юз терисида плёнка ҳосил қилгач, яна 2-3 маротаба сурасиз. 15 дақиқадан кейин совуқ сув билан ювиб ташлайсиз. Мазкур ниқоб юз терисини тортилишига яхши таъсир кўрсатади.

НИГОРА тайёрлади.