Дунёларни тебратган меҳринг

Мушки анбар таратган зебо,

Муҳаббатли, вафоли ёрсан.

Дунёларни тебратган меҳринг,

Дили уммон, мунис аёлсан.

Қай сўз билан таърифлай сени,

Жавоби йўқ сирли саволсан.

Гўё тиниқ чашмасан, нурсан,

Юзда ажин, кўнгли зилолсан.

Баҳор каби беғубор ўзинг,

Кимларгадир орзу-хаёлсан.

Сен бир гулсан сира сўлимас,

Дерезамга қўнган ҳилолсан.

Мушки анбар таратган зебо,

Муҳаббатли, вафоли ёрсан.

Дунёларни тебратган меҳринг,

Дили уммон, мунис аёлсан.

Нурхон ТУРҒУНБОЕВА, Шаҳрихон тумани.