№47, 19.11.2015 Дил изҳори
САЖДАГОҲИМ - ОНАМ
"Онажоним. Мунисгина, мушфиққина, муштипаргина, онажоним. Сизнинг тимсолингизда мен ҳаётни, ҳаётда қандай яшаш кераклигининг ибратини кўраман. Ҳаётнинг ташвишию муаммоларини енгиб ўтиш, шодлигию қувончини бошқаларга улашиш, сабр-матонатли бўлиш, шукроналик ва меҳнат билан роҳат топишни кўраман".
Онам менинг ҳаётим қувончи, менинг умр дафтарим, онам менинг умидвор эртам, дуолари ила асрагувчи ёлғиз паноҳим.
Қиёматда сўроқ-савол оғир келганда, тарозининг савоб томонини босгувчи тош - онамнинг дуолари бўлади. Эҳтимол, ана шу дуолар жаҳаннамдан сақлайди мени.
Ниятим: бебаҳо бисотим, саждагоҳим, тенгсиз меҳрибоним, давлатим - тилло-зарим - онажоним ҳамиша омон бўлсин.
Онам, онажонларимиз бор экан, ҳаётимиз қувончу шодликларга тўла, бахтимиз тўкис бўлишига асло шубҳа йўқ.
Одина АҲМЕДОВА,
Қўрғонтепа тумани.
|