№4, 21.01.2016 Юксакларга кўз тикканим, мағрур Ўзбекистоним!
Неча улуғ аждодлардан қолган буюк меросим,
Байрамларга айланади ҳар тантана, маросим,
Ифтихорга тўлар қалбим бағрингдаги ҳар оним,
Юксакларга кўз тикканим, мағрур Ўзбекистоним!
Қучоғингда миллатлар, элатлар қариндошдир,
Бир-бирига елкадош оға-ини, қондошдир,
Машаққатда тош ютган асли бори бардошдир,
Юксакларга кўз тикканим, мағрур Ўзбекистоним!
Навоий, Бобурларга алла айтган элимсан,
Мангуберди, Темурга мардлик тутган қўлимсан,
Мен танлаган энг ёруғ, истиқболли йўлимсан,
Юксакларга кўз тикканим, мағрур Ўзбекистоним!
Ҳар соҳада манзилингга элтмоқда тараққиёт,
Боболар жасоратин ҳар қадам этамиз ёд,
Қалқонингмиз эркингга нигоҳ тиколмайди ёт,
Юксакларга кўз тикканим, мағрур Ўзбекистоним!
Темурбек ШАҲОБОВ, Избоскан тумани.
|