АНДИЖОННИНГ ИККИ АСЛ МАРДИСИЗ

Мустақил диёрнинг алп ўғлонлари,

Шонлар чўққисида турасиз мағрур.

Бирингизни алқар бокс майдонлари,

Бирингиз кўтарган тош берар сурур.

Андижоннинг икки асл мардисиз,

Лол этган спортда бутун жаҳонни.

Сиз бутун мамлакат, халқнинг фахрисиз,

Марду майдон ичра титратган жонни.

Чемпионлик қутлуғ, шарафлар сизга,

Юрт байроғин кўкка кўтарган алплар.

Йўлингизни берсин ҳар ўғил-қизга,

Сизларга ўхшашга интилсин қалблар.

Булоқбоши, Хонобод донғи дунёда,

Муҳаббат алласин айтган шу макон.

Ғалабангиз бўлсин бундан зиёда,

Сиз-ла фахрланар бутун Андижон!

Акрамжон МАМАТОВ.