ҲАДИСЛАР

ЯХШИЛИКНИ КИШИЛАР ОРАСИГА ТАРҚАТИШ ҲАҚИДА

Ақаба ибн Аби Муъаитнинг қизи Умми Қулсум (р.а.) Расулуллоҳнинг: "Кишилар орасини тузатиш, сулҳга келтириш учун яхшиликларни гапирадиган кишини ёлғончи деб айтилмайди", - деган ҳадисларини эшитиб ривоят қилдилар.

МУЛОЙИМ БЎЛИШ ҲАҚИДА

Ҳазрати Оиша айтдилар: "Мен ўжар, бўйин бермайдиган тевага минган эдим. Расулуллоҳ уни урганимни кўриб: "Мулойим бўл, кимда мулойимлик бўлса, ҳусн ва камолотга эришади ва кимда мулойимлик хислати бўлмаса, у айбли ва нуқсонли бўлади", - дедилар".

АҚЛ ЮРАКДА БЎЛАДИ

Айёд ибн Халифадан ривоят қилинди. У киши ҳазрати Алидан: "Ақл юракда, раҳмдиллик жигарда, меҳр-шафқат талоқ (қоражигар)да ва нафас олиш-чиқариш эса ўпкада жойлашгандир", - деган гапларини эшитдилар.

Тайёрловчи: Санъатбек ТУРСУНОВ.