Ҳикмат

ЖАМИЯТГА ВА ОДАМЛАРГА ЯХШИЛИК ҚИЛИШ

Улуғ доҳийлар, донишмандларнинг ҳикматли сўзларини мулоҳаза қилсак, биз фақат ўз шахсий фойдамизни кўзлаш учунгина эмас, Ватан, қариндош-уруғ, дўстлар ва умуман, ҳар бир одамга эзгулик қилиш, фойда етказиш учун дунёга келганмиз.

Балиқ сувда яшагани каби инсон кишилик жамиятида яшайди. Инсонлар орасида илм, маърифат юксалган сари ҳар бир одам иккинчи бир одамга муҳтож бўлганини сезади. Саломатлигимизни сақлаш учун бир қанча воситаларга муҳтожмиз. Ҳатто бир парча нонимизнинг қандай воситалар билан ризқ бўлиб оғзимизга кирганини фикр этсак, одамларнинг ҳаммаси бир-бирига боғланганликларини тушунамиз.

Одам ҳар қанча бой, обрўли ва эътиборли бўлса ҳам, барибир бошқаларга муҳтож бўлмасдан иложи йўқдир.

Санъатбек ТУРСУНОВ тайёрлади.